Laburpena

Hainbat euskal hiritako testuinguru politiko eta soziala paradigma industrialaren higaduratik eratorritako erronka berriek markatzen dute. Krisi ekonomikoaren aurrean harturiko neurriek kolektibo ezberdinek bizi duten kalteberatasun egoera eta hauen arteko ezberdintasunak areagotu ditu. Erakunde publikoek, kasu guztietan horrela ez bada ere, gizabanako eta kolektibo babesgabeen arteko lehia-logiketan oinarrituriko politika publikoen alde egin dute. Horrela, artikulu honen helburua, aipaturiko erronken aurrean komunitate-loturak indartzea sustatzen duten estrategia lokalak bistaratzea da. Honetarako, Zumarragako udalerria hartuko da ikergai moduan, bertan ekintza politiko eta sozialaren erdigunean zaintza kokatzen duten ekimenak gauzatzen ari baitira.