Laburpena

Gizarteratzearen politika orokorraren inguruan euskal gizarte-zerbitzuen sistemak egin ditzaken ekarpenen inguruko analisi kritiko bat burutzen da artikulu honetan (gaitasun, egokitasun, kongruentzia eta partaidetzaren inguruan), betiere Gizarte Zerbitzuetako euskal Legeak eta arautegiaren garapenak eskuartze sozialerako eta antolaketa operatiboan dituen osagai batzuen inguruan. Bertan aztertzen dira ondorengo alderdi hauek: gizarte-zerbitzuen zergatia eta espero daitezkeen emaitzak; pertsonen egoeren inguruko diagnostiko, balioztapen eta ebaluazioa; eskuartze sozialeko prozeduren printzipioak, osagaiak eta dinamika; gizarte-zerbitzuetako ibilbide, segmentazio, espezializazio eta integrazio bertikala; gizarte-zerbitzuetako eta bestelako jarduera-eremuen sektoreen arteko integrazioa; eta eskuartze sozialeko prozeduretako eragileen sarea.