Laburpena

Euskadin ongizatea lortzeari dagokionez belaunaldien artean dauden desberdintasunei buruz dauden ebidentziak datu estatikoetan oinarritzen dira, eta datu horiek adin-talde bakoitzak une jakin batean duen egoera islatzen dute. Artikulu honek erantzun partziala eta mugatua eman nahi dio gabezia horri, Euskadiko adinari lotutako pobrezia-arriskua luzetarako ikuspegitik aztertzen. Eusko Jaurlaritzaren Pobreziari eta Gizarte Desberdintasunei buruzko Inkestaren (PGDI) datuetan oinarrituta, analisiaren helburua Euskadin 2008 eta 2022 bitartean jaiotako hainbat belaunalditako pertsonek —1940, 1955, 1970, 1985 eta 2000 urteetan jaiotakoek— pobrezia-arriskua zenbatestea da. Horrela, neurri batean behintzat, bizi-zikloaren ikuspegi bat kontuan hartzen denean pertsonen bizi-baldintzekin lotzen diren bi logikak edo dinamikak jaso nahi dira: biografikoa eta soziala edo ekonomikoa.