Laburpena

Artikulu honetan, oro har, gizarte-zerbitzuen eta, bereziki, gizarteratzeko zerbitzuen esparruan garatzen ari diren joera eta berrikuntza nagusiak errepasatzen dira, batez ere Europar Batasuneko herrialdeetan. Horretarako, oso modu orokorrean, berritzailetzat jo daitezkeen dozena bat ikuspegi edo eredu deskribatzen dira, eta, labur-labur, ikuspegi horiekin lotutako edo ikuspegi horietan oinarritutako zenbait esperientzia zehatz azaltzen dira. Azken atalean, deskribatutako ikuspegi eta esperientziak partekatzen dituzten ezaugarri komunak ere aipatzen dira. Metodologiaren ikuspuntutik, testua SIIS Dokumentazio eta Ikerketa Zentroaren gizartepolitikei buruzko bibliografia-fondoan jasotako literaturaren berrikuspenean oinarritzen da.