Laburpena

Bazterkeria-egoeran dauden eta askotariko osasun-arazoak dituzten lagunen zailtasunak are eta larriago eta kronikoagoak izaten dira maila indibidualean (osasun mentala), familia- (gatazkak, hausturak) eta gizarte-mailan (bazterkeria, isolamendua). Hori dela-eta, berariazko laguntza-tresnak ezartzea premiazkoa da, gizarteratze-prozesuetan mantendu eta bizi-kalitatean eta gizarteratzean aurrera egiteko. Artikulu honetan, Integra/Erantsi eredua aurkezten da, adikzioekin edo gaixotasun psikiatrikoekin lotutako askotariko gizarte- eta osasun-arazo dituzten pertsonei gizarteratze-prozesuetan laguntza psikosoziala bideratzen dena. Azken urteotan, eredua laguntza-gida batean islatu da, eta Hiesaren aurkako T4 Elkarteak ezarri. Erakundearen erabiltzaileen artean, babes, harreman eta doikuntza sozialaren eta antsietatearen inguruan hobekuntza nabarmenak igarri dira.