Laburpena

Artikulu honetan, gizarte-bazterkeriaren esparruan Gipuzkoan inplikaturik dauden eragileen parte-hartzerako eredu baten proposamena aurkezten da, Deustuko Unibertsitateak Gipuzkoako Foru Aldundiarekin duen hitzarmenaren testuinguruan egina, gobernantza prozesu bat diseinatzen eta dinamizatzen lagundu dezan, eragileen arteko elkarrekintza sustatuz eta ekarpenak sistematizatzen lagunduz, era horretan, elkarrekin definitutako arazoei aurre egiteko erantzunak bilatzeko asmoz, elkar-eraikuntza prozesu bat bultzatuz. Proposaturiko metodologia Ikerketa ekintza parte-hartzailean oinarritua dago, eta ondorengo hiru funtsezko printzipioetatik abiatuz garatu da: ezagutzaren elkar-sorkuntza; gailentzen doan prozesua; eta partaide guztien ekarpenetarako errespetua. Parte-hartze esperientzia bat da, eta lantzen da gizarte-bazterkeriaren esparruan Gipuzkoan inplikaturik dauden eragileen arteko gobernantza eredu berrien diseinua, garapena eta jarraipena.