Laburpena

Mendebaldeko hainbat herrialdetako gizarte-politikek fiskalizazio-prozesu batera bidea hartu zuten azken urteotan, eta, horren ondorioz, lehen Gizarte Segurantzak kudeatzen zituen prestazio ekonomikoen zati bat edo prestazio zuzenaren bidezko gizarte-laguntzako sistemak orain kenkari edo desgrabazio fiskalen bidez bideratzen dira. Berariaz, diru-sarrerak bermatzeko eta familia-sostengurako politika-arloan, ez da beherakadarik ezagutu mota horretako lanabes fiskalen protagonismoan. Artikulu honen xedea Europan, Amerikan eta Ozeanian dauden kreditu-sistemen eta zerga-kenkari berreskuragarrien funtzionamendua deskribatzea da, baita pobrezia-murrizketan, lan-txertaketan, zergen izaera progresiboan edo biztanleriaren ongizatearen hobekuntzan dituzten ondorioak identifikatzea ere; eta Estatu espainiarrean gizarte-babeseko sistema eguneratzeko zenbait ondorio lortzea, eta are gehiago, Euskal Autonomia Erkidegoan.