Laburpena

Artikulu honetan, Gizatea-Gizarteratzeko eta Laneratzeko Euskadiko Enpresen Elkarteko profesionalekin izandako elkarrizketa-prozesuaren eta kontrastearen ondorioz laneratze-laguntza proposamena aurkezten da Laneratzeko Enpresen orientaziorako. Enpleguko politika aktiboen baitan dagoen enplegagarritasunaren kontzeptuaren azterketaren ondorioz kontzeptuaren ikuspegi zabala eta elkarreragilea proposatzen da. Halaber, Laneratzeko Enpresen enplegagarritasunaren kontzeptuaren eredua eraikitzen da, non banakako eta testuinguruko osagaiak bi tresnen bitartez neur daitezke. Era berean, Laneratzeko Enpresek garatzeko laguntza-arloak eta prestazio batzuk proposatzen dira lan-merkatuan sartzeko zailtasun bereziak dituzten pertsonen enplegagarritasuna hobetzeko.