Laburpena

Gipuzkoako Foru Aldundiak gizarteratzeko zerbitzu sarea orientatzeko prozesua hasi zuen 2016an, arlo horretan lan egiten duten hirugarren sektoreko entitateen kolaborazioarekin eta Gizarte Zerbitzuetan eskudun diren erakunde publikoekin. Horretarako, Elkar-EKIN akzio-plana abiarazi zuen. Plan horren helburu nagusietako bat erantzukizun publikoko gizarteratzeko egoitza- eta zerbitzu-sarea egokitzea da. Sarearen orientazio-prozesu berria sarea osatzen duten egoitzen ezaugarriak aztertzetik eta Zorroko Dekretuak eskatzen dituen egoitza eta zerbitzuen berrikusketa oinarri hartuta egiten ari da. Araudi eta eremu filosofiko berrirako birmoldatzea inplikatuta dauden erakundeen kolaborazioarekin egin da.