Laburpena

Honako artikuluak Erasmus+ InclusiON izeneko proiektuan bildutako estrategia eta praktika onak aurkeztu nahi ditu. Bertan Europara heldutako etorkinen eta errefuxiatuen gizarteratzeko baldintzak eta jarrerak hobetzea bilatzen da. Erasmus+ InclusiON proiektu honen baitan Europako herrialde desberdinetako erakunde eta unibertsitateak daude, besteak beste, Eslovakia, Portugal, Italia eta Euskadi. Proiektuak aurrera egin ahala, Euskadin eta aurretik aipaturiko herrialdeetan zenbait bilera antolatuko dira. EAEn egindako azken bi bileren emaitzak aurkezten dira lan honetan, alde batetik eragozpenak eta aukerak izeneko atalean bildutakoak, eta bestetik momentuan martxan jartzen ari den zenbait praktika egoki. Azken hauen xedea, Euskadi eta Europara heldutako etorkin eta errefuxiatuen gizarteratzea, aisialdiaren bitartez bermatzea litzateke.