Laburpena

Euskal Iritzi Publikoaren Urtekariaren zazpigarren argitalpen honek 2016an zehar Prospekzio Soziologikoen Kabineteak egindako etxez etxeko eta telefono bidezko ikerketen emaitza nagusiak biltzen ditu. Guztira 12.996 elkarrizketa egin ziren. 2016ko ikerketetan Euskal Autonomia Erkidegoko biztanleriak oso gai ezberdinei buruz dituen pertzepzio, iritzi eta jarrera nagusiak ikertu dira, hala nola Europarekiko jarrera, nazioarteko egoera eta nazioarteko terrorismoa, Euskadi etorkizunaren aurrean, familia edo bakea eta bizikidetza. Horiez gain, Eusko Jaurlaritzaren gestioaren balorazioa, zehazki Emakunderena, balio psikosozialak eta politikoak, hauteskundeetan izandako portaera eta euskal enpresekin lotutako zenbait alderdi ere aztertu dira.