Gizarte Zerbitzuetako Behatokiak, 225/2011 Dekretua (BOPV 14/11/2011) (EHAA 2011/11/14) indarrean jarri zenetik, bere eginkizuna du gizarte-zerbitzuak bermatu eta kalitatea hobetzeko premiazko diren neurriak sustatzea. Betetzen dituen funtzioen artean, ondorengo hauek daude:
- Ebaluazioen aplikaziorako prozesuak eta etenik gabeko kalitatearen hobekuntzarako metodoak sustatu, horien bitartez premien asetze eta zerbitzuen funtzionamenduan ageri diren disfuntzio edo eskasiak zehaztu ahal izateko bai kudeaketan bai zuzeneko arretan, eta hala gertatzen denean, formula eta bideak ezartzeko arlo honetan lortu diren emaitzen onespen publikoa bilatuz.
- Arlo honetan garatzen diren jarduerak koordinatzea, betiere xede izanik emaitzen konparazioa bermatuko duten tresnak erabiltzen laguntzea.
- Gizarte-zerbitzuetako profesionalak sentsibilizatzea, eta bereziki zerbitzu eta zentroetan berauen jarduera burutzen duten profesionalak, berauen praktika profesionalean garrantzia duen dimentsio etiko eta bioetikoaren inguruan. Horretarako, sustatu daitezke prestakuntzarako programak, ikerkuntzarako ekimenak, eta gizarte-zerbitzu eta arlo soziosanitarioko Euskal Autonomia Erkidegoan batzorde etikoek luzatzen dituzten gomendio eta ekimenerako ildoen hedakuntza eta dibulgazioa.
- Gizarte-zerbitzuetako arloko ikerkuntzarako ildoen garapena, Gizarte Zerbitzuetako Plan Estrategikoak lehenetsitako esparruan. Arreta berezia jarriz aldaketa sozialak zehazten dituzten kausa eta faktoreen ikerketari, premiak detektatzeari eta eskariaren azterketari. Halaber, arreta berezia jartzen zaie zerbitzuen analisiari, bere kudeaketa, kostu eta arretaren kalitateari, betiere xede izanik etenik gabeko hobekuntza sustatzea eta bere garapen eta eboluzioa orientatzea.
Gizarte Zerbitzuen Behatokiak ondorengo eduki hauek biltzen ditu:
Datuen bankua
Datuen bankuak errazten du lau arloetan (Familiak, Gizarte Zerbitzuak, Haurtzaro eta Nerabezaroa, eta Enplegua eta Inklusio Aktiboa) eskuragarri dauden adierazle eta estatistikak aplikazio interaktibo baten bitartezko kontsulta, modu honetan, erabiltzaileek landu eta jaitsi ditzakete taula, mapa eta grafiko propioak.
Txosten eta rgitalpenak
Txosten eta argitalpenen atalean eskaintzen da Behatokiek eta Sailak burutzen dituzten bai ikerkuntza bai aldizka edo noizean behingo argitalpenetarako sarbidea.
Gaurko gaiak
Gaurko gaien atalak biltzen du ondorengo hiru mota hauetako informazioa: prentsa-albisteak, legedia eta agenda.
Dokumentazioa
Behatoki horietako bakoitzak bilaketarako kaxoi bat dauka, eta horren bitartez burutu daitezke berariazko bilaketa dokumentalak, modu honetan arlo bakoitzaren inguruan eskura dagoen espezializatutako dokumentazioaren bilduma zabalera sarbidea izateko (300.000 erregistro baino gehiago daude).